Monday, February 6, 2012

KWA NINI ANAKUPENDA!!


Mapenzi ni kitu kizuri sana kama upo kwenye mahusiano sahihi na mapenzi ni kitu kibaya sana kama utakuwa kwenye mahusiano yasiyo sahihi. Umewahi kujiuliza ni kwa nini uliyenaye anakupenda sana na umewahi kupata majibu ya hayo maswali!!??


Kama umewahi kujiuliza na kupata majibu basi ni vizuri sana kwa upande wako na kama umewahi kumuuliza hata yeye na akakupa majibu pia ni vizuri ingawa huwa inakuwa vigumu sana mtu kukupa sababu zote kwa nini anakupenda.


Ukiachilia mbali sababu zinginezo BINAFSI za mtu kukupenda lakini pia hizi zifuatazo ni baadhi ya sababu za kawaida tu ambazo mtu anayekupenda huwa anazo.


1.      UNAMJALI
Hakuna kitu kizuri kama kujaliwa na unayempenda na ndio kitu muhimu sana kwenye mapenzi. Ukionyesha kujali kwenye mapenzi basi hata vitu vingine vingi huenda kwenye mstari ulio salama na hufanya mapenzi yenu kuwa nyoofu siku hadi siku.


2.      UNAMSAIDIA
Hiki pia ni kitu bora sana kwenye mapenzi hasa kwa kutambua kuwa mojawapo ya njia nzuri za kudumisha mapenzi ni pamoja na kusaidiana pale linapotokea tatizo lolote lile kwa mmojawapo kati yenu. Jitolee kwa kila khali kwa mpenzi wako pale anapopata shida/tatizo lolote.


3.      UNAMRIDHISHA
Yeah ni kitu safi sana kuwepo kwenye mahusiano ambayo kila mtu anaridhika na mwenzake. Iwe ni kwenye mambo ya kawaida au hata yale mambo ya ndani. Ukiridhika na huyo uliyenaye na ukaridhika kwa kila anachokupa basi mapenzi huenda murua kabisa.


4.      UNAMTETEA
Unapoonyesha kuwa upande wa mwenzi wako kwenye kila tatizo au challenge yoyote inayotokea basi huwa ni njia nzuri sana nay a msingi kudumisha mapenzi yenu. Kuna mengi yanatokea kila siku kwenu ila jitahidi kila mara kumtetea kwa lolote mbele yake isipokuwa tu labda liwe kweli amekosea na hapo mrekebishe katika hali ya kimapenzi zaidi bila kumkwaza.


5.      MVUMILIVU/HUNA TAMAA
Hii ni kitu njema sana nay a busara sana kwenye mapenzi na hupendwa hasa na sie wanaume pale linapokuja suala la mahusiano ambapo huwa tunapenda sana wanawake wasio na tamaa na ni wavumilivu kwa lolote ndani ya mapenzi. Hatupendi wasichana wanaoshoboka kwa vitu vidogo na vya muda na kuishia kuharibu mapenzi.

6.      UNAMPA CHANGAMOTO/CHALLENGES
Unapokuwa kwenye mahusiano haina maana basi kila anachofanya mpenzi wako ni sahihi hata kama unaona anakosea. Kama unaona hayupo kwenye njia sahihi basi mpe ushauri/changamoto ili aweze kubadilika na sio kila kitu kuwa mtu wa kumuitikia ‘’NDIO’’ tu kitu ambacho hakijengi bali kinabomoa.


7.      MKWELI
Hii pia ni changamoto mojawapo kwenye mapenzi hasa pale unapokuwa kwenye mapenzi na mtu na mkawa mna ndoto za kufika mbali, kuwa mkweli ni kitu kizuri sana kwa mpenzi wako kwani huweza kukuondolea vikwazo vingi na kutokuwa na wasiwasi kwa kila kitu kwenye mahusiano yenu.


8.      UNA MSIMAMO
Msimamo thabiti hujenga mapenzi imara na yaliyo bora sana. Usipokuwa na msimamo kwenye mapenzi basi husababisha mapenzi/mahusiano yenu kuyumba mara kwa mara na mwishowe kuvurugika kabisa na kuisha mara moja. Jenga tabia ya kuwa na msimamo ili usiyumbe wewe wala mpenzi wako.


9.      UNAJIAMINI
Hii pia ni mojawapo ya kitu safi sana kwenye mapenzi na inayoweza kumfanya mpenzi wako kukupenda zaidi kwa kujiamini kwako katika kila kitu na kutokuwa na hali ya uoga wala kuchanganywa na vitu vidogo nje au ndani ya mahusiano. Jenga tabia ya kujiamini ikusaidie kwenye maisha yako binafsi na hata ya mahusiano.


10.  UNAMUOGOPA MUNGU
Ukiwa na tabia njema na maadili mema basi hata mahusino yako yatakuwa mema kwani utamtanguliza Mungu katika kila jambo na utakuwa mfano bora kwa mpenzi wako na kumfanya akupende na kukuchukulia kama role model wake linapokuja suala la imani na kumpenda Mungu. Jenga tabia ya kutenga muda Fulani wewe na mwenzi wako ili kujiweka mbele za Mungu na kusali ili msiyumbe kwenye maisha na ili kuweza kusonga mbele katika lolote kwa nguvu zake yeye pekee.

 NB; Nia hasa ya kuandika hizi sababu ni kuwa kama ulikuwa either umejisahau au katika haya hukuwa unamfanyia mpenzi wako kimojawapo basi anza sasa kumfanyia ili kuweza kuimarisha zaidi mahusiano yenu.